البنق عندي فجأة يقرر يرتفع من ٧ -١٠ الى ٦٢ ثابت ماينزل ابد على سبيد تست طبعا الحبايب حقين الدعم يقولون مالنا شغل بالبنق اهم شي السرعه وانا السرعه عندي توصلني كامله بس البنق مو طبيعي هل اقدر اقدم شكوى شي حتى لو في هيئة الاتصالات المنطقة الرياض حي المهدية
تم إنشاء موضوعك بنجاح !
شكرًا لمشاركتك في قسم الاستفسارات😊
بعد أن يقوم أعضاء عالم الراوترات بالرد على استفسارك وتعتقد أن مشكلتك قد تم حلها،
الرجاء الضغط على علامة 
بجانب الرد الصحيح لتحديده كحل.
هذا يساعد باقي الأعضاء في العثور على الحلول بسرعة 
القياس على جهاز متصل مع الراوتر بشكل مباشر بكيبل ولا وايفاي ولا متصل مع مقوي ؟
جربت بجهاز ثاني غير الجهاز اللي قست فيه ؟
غيرت سيرفر القياس بسبيد تيست أو لاحظت إنه يتغير مع تغير البنق ؟
جربت بكيبل و بدون و شابك على الراوتر نفسه و غيرت موقع قياس بالسبيذ تست نفس البنق ثاااابت ماينقص ابد ٦٢ مستغرب وش هالاشكالية الغريبه
طيب أول شي إذا حصلت المشكلة حاول تبنق من جهازك لآيبي الراوتر الأساسي حتى تتأكد المشكلة داخلية ولا من STC إذا صار البنق قليل جدا أو صفر معناته مشكلتك بعد الراوتر سواء سلك الفايبر أو البوكسية لحد ماتوصل السيرفرات الرئيسية .
نفس وضعك نتي الياف من سلام بنقي قبل 17 الحين 65
بكل بساطة, ارتاح و ارفع سماعة لـ STC و اطلب منهم حضور الفني يشيك على البوكسية و التسليك و يسوي جميع الاختبارات.
شف يالطيب انا كمان واجهت نفس مشكلتك سابقًا وكمان من اسبوع بالضبط ونشبت لهم نشبة الشايب المستقعد للعمال، طبعا كلم الدعم بلغة الشبكات يعني مثلا قولهم قاعد ابنق على دي ان اس قوقل اللي هو 8.8.8.8 طبعا هذا المتوسط حقه 68 ميلي سكند إلى 75 بالكثير مع العلم بعد ما يرتفع البنق تلاقيه يضرب 122 و 130 وقولهم السرعة ماني مستفيد منها حتى مقاطع اليوتيوب اشوفها على جودة 244 وبرضو يقطع، لان سرعة مع بنق عالي مافي أي فايدة فتلاقي التحميل بطيء وسيء حتى لو تصفح بتعاني مش حتى باللعب.
فالاسبوع الماضي جلست وراهم الين قالولي هي مشكلة عامة وبنعالجها بأسرع وقت وفعلا الحين البنق مافي احلى منه، انا اتصالي اس تي سي بوكسية سلام (الاتصالات المتكاملة سابقًا).
أهم شي ما تطري انك تلعب لانهم علطووووول بيقولون لك هذي سيرفرات اللعبة احنا مالنا علاقة، خل حجتك دايم انك مش قادر تتصفح، تحميل المقطع الشورت عشان تشوفه تطول وهو قصير يعني سوي شوي دراما وخلك هادي وما يحتاج شكاوي الين تلاقي ان مافي أمل منهم وقتها صعد للهيئة لكن دام الموضوع في المتناول بيحلونه علطول ما تقلق اهم شي لا تسكت وناشبهم كل يوم.
طبعا الدعم حقهم بيقلك نسويلك إعادة تنشيط وافصل كل الاجهزة من المودم وخله لحاله هو واللاب توب انت قولهم سويت ذا كله وما افاد عشان اما يحولونك للدعم المتقدم او هو يبان عندهم علطول ان فيه مشكلة عامة لكن لا يضحكون عليك بموضوع طفي شغل او إعادة تنشيط والكلام الفاضي هذا.
يعطيكم العافيه جميعاً على الردود فعلا طلعت مشكلة من عندهم و انحلت طبعا محد قال لي من عندهم انها مشكله ، واعطيكم نصيحه اذا قالو لك سوي اختبار سرعه وورنا سرعة النت عندك اشبكه على 4G و اللخمه بالسرعه وقوله تراني مسويها على 5G اختبار السرعه و اذا طفيت المودم يوم او يومين ترا يظهر لهم انك مطفي المودم و الراوتر و يسوون لك ديسكونكت لين تتواصل انت معهم وقتها ينفضون لك جميع الاعدادات 