شف يالطيب انا كمان واجهت نفس مشكلتك سابقًا وكمان من اسبوع بالضبط ونشبت لهم نشبة الشايب المستقعد للعمال، طبعا كلم الدعم بلغة الشبكات يعني مثلا قولهم قاعد ابنق على دي ان اس قوقل اللي هو 8.8.8.8 طبعا هذا المتوسط حقه 68 ميلي سكند إلى 75 بالكثير مع العلم بعد ما يرتفع البنق تلاقيه يضرب 122 و 130 وقولهم السرعة ماني مستفيد منها حتى مقاطع اليوتيوب اشوفها على جودة 244 وبرضو يقطع، لان سرعة مع بنق عالي مافي أي فايدة فتلاقي التحميل بطيء وسيء حتى لو تصفح بتعاني مش حتى باللعب.
فالاسبوع الماضي جلست وراهم الين قالولي هي مشكلة عامة وبنعالجها بأسرع وقت وفعلا الحين البنق مافي احلى منه، انا اتصالي اس تي سي بوكسية سلام (الاتصالات المتكاملة سابقًا).
أهم شي ما تطري انك تلعب لانهم علطووووول بيقولون لك هذي سيرفرات اللعبة احنا مالنا علاقة، خل حجتك دايم انك مش قادر تتصفح، تحميل المقطع الشورت عشان تشوفه تطول وهو قصير يعني سوي شوي دراما وخلك هادي وما يحتاج شكاوي الين تلاقي ان مافي أمل منهم وقتها صعد للهيئة لكن دام الموضوع في المتناول بيحلونه علطول ما تقلق اهم شي لا تسكت وناشبهم كل يوم.
طبعا الدعم حقهم بيقلك نسويلك إعادة تنشيط وافصل كل الاجهزة من المودم وخله لحاله هو واللاب توب انت قولهم سويت ذا كله وما افاد عشان اما يحولونك للدعم المتقدم او هو يبان عندهم علطول ان فيه مشكلة عامة لكن لا يضحكون عليك بموضوع طفي شغل او إعادة تنشيط والكلام الفاضي هذا.