استضافة في جدة بحد بيانات أكثر من 5 تيرا وسرعة أتصال فوق 100ميقابت؟

السلام عليكم يا اخوان

احتاج سيرفر سحابي\أفتراضي (VPS) مع traffic عالي بحدود 4 الى 5 تيرا على الأقل، مع سرعة أتصال (burst) تصل الى 150ميقابت. بشرط تكون في جدة، عشان بستخدمها بروكسي لنت البيت.
الميزانية حدها حول الـ120 ريال. او حول الـ600 إذا colocation للـ1u.
أنا صراحة تعبت من البحث، فعليًا لي شهرين، حتى تقابلت مع كم شركة لسيرفرات افتراضية، وأرسلت استفسارات colocation وجميعها كانت محبطة من ناحية سعر الـTraffic، أو سرعة الأتصال. أفضل شيء لقيته 100 ميقابت على 2 تيرا بسعر 50 ريال تقريبًا (وهذا الشيء الشائع في الكم خدمة الي حصلتها). الترافيك فعليًأ شيء كاسر الخطة.

فيه شركة عجبتني جودة أتصالهم صراحة شيء من الجنون لكن مع الأسف الشديد ماحصلت عندهم سيرفرات متاحة حاليًا، وحتى وصلت معاي ومعاهم على موضوع الـcolocation عشان طحت في غرام الشبكة (البنق 5 لمنطقة جدًا واسعة فالغربية!) بس برضه ماينفع مافي غير كبينة كاملة (42u) للكولوكيشن والي طبعا خارج الميزانية، عشان قاعدة بياناتهم توها جديده.
سبب الإحباط اني احتاج low-latency وجودة أتصال ثابتة بشكل معقول (مثلا للبثوث) لكن ماقدرت أحصّل شيء بسعر معقول، ابدًا. لكن السوق ما أعرفه كويس ممكن بعضكم يعرف أشياء أو حلول اجهلها.

المشكلة فيه شركات كثير عندنا مستخدمين ذا الشيء وترافيك مجنون لكن الأفراد مع الأسف ماتقدر تجيب شيء.
الي يعرف شركة او خدمة ياليت يفيدنا

تعبت لي شهر أبحث.

@xlmnxp @ChunkyMe

وعليكم السلام ورحمة الله وبركاته, عندك LightNode وOracle Cloud Jeddah

عندي أهم شيء البنق (ابغاه مايتعدى 10ms)
ومشكلة Oracle Cloud البنق 26، بينما تقريبًا جميع السيرفرات الأخرى في نفس منطقة جدة توصل 10ms وشيء نوعا ما قهرني لأن خدمتهم ممتازه للي بسويه ونظامهم سيرفرات ومركز بيانات فعلي.
البنق لمركزهم في جدة 27 بينما الرياض 22… تقدر تجرب تسوي بنق
جدة: objectstorage.me-jeddah-1.oraclecloud.com
الرياض: objectstorage.me-riyadh-1.oraclecloud.com

مع الأسف بنق جدة اسوء من بنق الرياض على فايبر من STC (الي فالعادة الأفضل في الـRouting) وانا ابعد عن جدة 100كم. سويت تريسراوت وطلع قاعد يفرفر في السعودية لين يوصل.

تحديث: بعد ماقعدت اشيك عالتريسراوت واقلّب الموضوع، اكتشفت أن باكيت البنق يروح الرياض ويرجع لجدة! يعني المفروض 5ms بس مع الأسف الباكيت رايح جاي.. مو معقول. تواصلت مع الدعم مافادوني كثير مع الأسف بس بجرب ارجع اوضّح لهم الاشكالية.

بالنسبة لـLightNode كان من أول الخيارات لكن اكتشفت بعد التواصل مع الدعم انه متشارك (وغالبا بشكل كبير بما انه sold out حاليًا). وايضًا موضوع تقليل السرعة بعد فترة مايطمن لأن ممكن استخدم سرعة عاليا لفترات طويلة (50 الى 70 ميقابت). بالنسبة للدفع بالسرعة جدًا غالي وان ماخاب ظني يوصل الألفين على 50 ميقابت.

عالعموم شكرًا على المساعدة أخ xlmnxp

ربط alibaba cloud وlightnode هم الافضل مع stc
اما بالنسبة ان الاتصال مشترك مع Lightnode فكل مزودي الخدمات السحابية كذا

مع الأسف علي بابا بس فالرياض، احتاج السيرفر يكون فالغربية عشان البنق.

عزيزي @Bandwidth لا تنسى وضع علامة صح ( التحديد إذا كان هذا الرد يحل المشكلة ) على الرد المناسب لمشكلتك

image

تم إغلاق هذا الموضوع تلقائيًا بعد 60 دقيقة من الرد الأخير. لم يعُد مسموحًا بالردود الجديدة.