انا عندي شريحة مفوتر وركبتها في راوتر 4g b535 وفيه منفذ تلفون هل اقدر اشبك عليه تلفون واتصل ، او اذا فيه راوتر اقدر اسوي الحركة ؟
نعم تقدر كتقنية شغالة ومن واقع تجربة صديق على B525 وشريحة اتصال ونت ياقوت
عندي في الدوام B535 بأحاول أجرب لك الطريقة وأسهل لك الإعدادات أبشر
تبشر بالجنه
وإياك ووالديك ومن يقرأ
تمت التجربة واشتغل بنجاح وبدون إعدادات واستقبل واتصل تمام ولكن مع بعض الملاحظات.
أولا: الشرائح المجربة واشتغلت تمام:
1- سلام (شبكة زين)
2- زين (الأم مسبق دفع)
3- موبايلي (الأم مسبق دفع)
ملاحظة: جميعها يتحول اتصال الراوتر إلى 3جي رغم أنها تدعم VoLTE
ثانيا: الشرائح المجربة ولم تعمل للأسف (لما يجي اتصال تتعطل أبراج الراوتر حتى تعيد تشغيله):
1- سوا (مسبق دفع)
2- جوي2 (مع باقة نت واتصال)
مع العلم أن الراوتر تبع STC أصلا
الخلاصة:
1- راوتر التجربة بي535 للأسف يعتبر مقيد الإعدادات لأن على أخوه بي525 يشتغل الاتصال على خدمة VoLTE بمعنى يبقى النت شغال 4جي في الراوتر أثناء الاتصال والأمور تمام وشبك الاتصال سريع بعكس الوضع في الجربة مع بي535 فيه بطء شوي ما يوصل الاتصال الا ثالث رنة تقريبا بسبب التحويل الى 3جي والعودة والظاهر النت يقطع على كامل الراوتر وقت المكالمة.
2- قد يكون هناك إعدادات معينة للراوتر بي535 تشغل شرائح STC وتشغل VoLTE ولكن حسب بحثي ما لقيت للأسف.
بالتوفيق
الله يعطيك العافية وماقصرت
الله يعافيك
لا تنسانا من التجربة وش يصير معك
ولا تنسى تخلي وضع الشبكة في الراوتر أوتو عشان يقبل يتصل
بالتوفيق