السلام عليكم ورحمة الله و بركاته,
بعد معاناة وحرب مستنزفه مع راوتر الالياف عزمت رحالي للبحث عن معين, فهممت إلى قناة عالم الراوترات فسمعت حكاوي و اساطير عن فارس مغوار قاهر الحصون و لايهاب العدد من بلاد ما وراء النهرين الملقب بـــ تندا, هممت لشراء اثنين متأملا ان الصيت يحكي الواقع.
اختصارا, شريت اثنين من مقويات تندا قبل شهر ونص من تقريبا التغطية ممتاز و الاشارة بغالب البيت فل, قبل اسبوعين بدات تظهر مشاكل في وحده من الغرف الاشارة فيها مابين الفل و 3 ابراج ما تحمل صفحات المواقع او تشتغل المقاطع السرعات تكون نازله خصوصا الابلود باقتي هي بيتي فايبر 300 تحميل و 100 رفع.
سويت الاتي:
- سويت اعادة ضبط مصنع بدون فائدة.
- استخدمت الــ one-click optimization من داخل الراوتر مانفع.
- بدلن بين مواقع الراوتربن و لا فرق شي.
- نزلت تحديث اقدم ( V16.03.20.26 ) و ما نفع.
- دمجت ترددات الوايفاي بحيث تكون تحت اسم واحد و ما نفع و فصلت الترددات و نفس العلة.
- غيرت القنوات و كذلك ما نفع.
- حطيت الباندويث اعلى شي في الترددين و مافرق كذلك.
قياسات السرعه:
تفاوت غريب بين القياسات بالصورة ذي و اللي قبلها و كلها في نفس الموقع
ما ادري وش العلة فيه, هل راوتر الالياف مسبب مشكله او النسخة اللي عندي من المقويات سيئة.
اللي عنده حلول ينورنا و شكرا.