السلام عليكم
عندي راوتر Deco x50-5g و مركب عليه شرحه متعدده من stc لاكن المشكلة ان النت ضعيف مقارنه بنت الجوال على نفس الشريحه
حطيت الشريحه بالجوال و سويت اختبار تاصل السرعه الى الف
احطه بالمودم ماتاصل حتى ٢٥٠ علما اني مركب عليه انتينا من stc و الابراج فل اخضر 5G
للمعلومية النت مفتوح ولا له حد بالسرعه
يمكن عليه تقييد ايمي IMEI
الجوال يشبك تلقائيا على ترددات قوية ، لكن شوف اذا تقدر تثبت الخليه ثبتها نفس الي طلعت لك بالجوال وجرب او تاكد من الانتينا يمكن تحركت او الاسلاك
كيف اعرف اذا عليه تقيد IMEI ؟ و كيف احل هالمشلكة
بالنسبه لتثيبت الخليه ماقدرت ، نفس طبيق الراوتر يرفض يطلع لي ان ممثل الخدمه يرفض ، اما الترددات مثبتهن نفس ترددات الجوال مع ذالك السرعه تختلف
الانتينا و الاسلاك مثبته ماتتحرك
عليكم السلام ورحمة الله وبركاته
دائما ابدأ بالاختبارات السهلة لتحديد المشكلة قبل الحلول المعقدة مثل تثبيت الخلية وغيره هذا لو الراوتر يدعم أصلا وأغلبها ما تدعم
1- اختبار السرعة على الراوتر على الوايفاي أو كيبل؟ يمكن السرعة عالية لكن الخلل من الوايفاي أو الكيبل وهذا سهل التأكد منه.
2- هل جربت شريحة أخرى في الراوتر تأكد هل يجيب سرعات عالية فعلا معناها نركز على الشريحة أخيرا
عموما الواضح لي ماهو تقييد على الشريحة دام توصل 250 على الراوتر والله أعلم أن الجوال يدمج أكثر ترددات مع بعضها والراوتر يدمج أقل أو الاحتمال الأخير وفيه إجابة على سؤالك كيف تعرف إذا فيه تقييد على الراوتر نفس الفكرة جرب شريحة أخرى فيه في نفس المكان
إن شاء الله تكون الفكرة وصلت وتوصل للحل بإذن الله بدون تكاليف
بالتوفيق
اختبرت وايفاي و كيبل كله السرعه ماتتعده ال٢٠٠
بالنسبه لشريحه ، احط الشريحه بالجوال نفس الشرحه اللي بالراوتر و تعطيني سرعات تاصل الى الف ، بس احطه بالرواتر ماتاصل الى ٢٠٠ و فيه تذبذب ، ترتفع ٢٠٠ و تنزل الى ٥٠
شابك كيبل وانا اختبر بالرواتر
اما اني اجيب شريحه ثانيه ماجربته ، اذا جبت شريحه ثانيه و حطيته بالرواتر و جابت سرعات عاليه يعني المشكلة تقيد على الرواتر ؟
يعطيك العافيه
اقتباس فقرة
الله يعافيك
على الأقل تشوف أنا هذا اللي كان بأسويه أحاول أتأكد من الأساس وأبدأ بالأسهل وأتدرج إن كان فهمت قصدي ما عندي إجابة مؤكدة بدون تحقق أحاول استبعد الاحتمالات واحد واحد،
مثلا: لو جربت شريحة ثانية وجابت سرعة عالية على الأقل كذا ضمنت أن الراوتر يقدر يجيب سرعات عالية وما عندك خلل بالوايفاي أو الكيابل.
وقبلها تأكدنا من خلال الجوال أن الشريحة تجيب سرعات عالية معناها الخلل في الراوتر (ماهو في الشريحة ولا في الكيابل والوايفاي).
طيب لو جابت الشريحة الثانية نفس السرعة 200 في الراوتر، معناها احتمالين:
1- الراوتر فيه بلا (ممكن يكون تقييد فعلا أو ممكن هذي قدرته أصلا ما يدمج مثل الجوال)
2- الكيابل والوايفاي فيها بلا (تقدر تستبعد هذا بسهولة بأنك توصل لسرعة عالية من شريحة ثالثة أو مشغل مختلف..الخ بدون خساير تجربة من حولك من المعارف)
أنا هذي طريقتي لكشف الأعطال بشكل عام تعلمناها في الهندسة وأتمنا تفيد معك
مبادئ سهلة ومنطقية
ضع الاحتمالات كاملة
ابدأ استبعدها بالتجربة بدون خساير
حبة حبة بيجي الحل بإذن الله
وأعتذر منك لو فيه إجابة واضحة لي كان من البداية في كلمتين بدون كثير كلام قلت لك لكن ما اتضح لي شيء وأحاول أساعد
ولو اتضح لأحد شيء بإذن الله يفيدوننا مشكورين
تم إغلاق هذا الموضوع تلقائيًا بعد 60 دقيقة من الرد الأخير. لم يعُد مسموحًا بالردود الجديدة.