طبعا بعد جدال طويل مع شركة الاتصالات في موضوع ارتفاع البينق وفهمهم ان احنا ما نغطي بينق الالعاب وبعد ما فهمتهم اني ما اقصد الالعاب ووصلت لمرحلة ان حتى مقطع اليوتيوب ما اقدر اشوفه بشكل واضح وتقطيع مستمر الحمدلله حلوها وضبطوها، انتقلت الان لخطوة ثانية الا وهي ضبط اتصالي بطريقة PPPOE او الجسر طبعا هالشي شفت له مقاطع وشروحات باليوتيوب وكيف اني بس احط حسابي من شركة الاتصالات ورقمي السري وبعدها يتصل لكن أكيد لازم اضبط شوية اعدادات من الراوتر عندي، كلمتهم بالمرة الاولى وهم ضبطولي اياه لكن عيا البلايستيشن او اللاب توب عندي يقبل هذي الطريقة ووصلت لنتيجة انا مش عارف هل اصلا المودم عندي يقبل الطريقة هذي او لا او انا عامل اعدادات خطا فما عادني عارف ومحتاج الافادة فمالي من بعد الله الا انتم استشيركم بهذا الخصوص بحكم خبرتكم الطيبة.
موديل الراوتر عندي هواوي DG8245V
بعد الشكوى عطوني يوزر ادمن بصلاحيات الادمن كاملة يعني اقدر اعدل واسوي اللي ابغاه بدون اي مشكلة الحمدلله.
طيب أكيد بتتساءلون وش محتاجه فيه؟
الحقيقة انا ماعرف هل بيفرق معاي الاتصال او لا؟ ثبات البنق كيف بيكون؟ سرعة التحميل والرفع بتكون ممتازة او لا؟
اتبعت اعدادات مقطع من اليوتيوب وسويت مثل ماهو مسوي بالضبط لكن بعد المحاولة ما نفعت معاي للاسف وبقى يعطيني رسالة خطأ سواء من جهاز الالعاب او اللاب توب.
فاللي عنده فكرة بالطريقة شلون تكون ووش الطريقة الصحيحة او الاعدادات اللي اسويها حتى لو نكون داخلين سوا بوقت واحد ويدلني اكون له من الشاكرين.
لابد تسوي واجهة wan جديدة وتفعل وضع الجسر عليها للمنفذ اللي جهازك حق الألعاب شابك معها سواء منفذ اللان أو الوايفاي ومهم ان من ضمن الخيارات بالواجهة انها تكون بريدج .
تمام ياحب .. تحتاج رقم الاشتراك بتلقاه اول رسالة من وقت اشتراكك مع stc يجيك رقم تلفون مع علامة @ والرقم السري المكون من ٤ ارقام .. تسجل دخول بالسوبر ادمن او الروت تروح لل wan تسوي اتصال جديد وتغير مود wan من راوتر الى بريدج وتكتب المعلومات كامله المذكوره بالاعلى .. وتشبك كيبل LAN من نفس المودم الى المودم الثاني.
طبعًا بعد محاولات مع الأخ @jnq ما قصر ومشكور وصلت انه بدأ يسوي اتصال لكن يرفض الاتصال لاني واجهت ايرور يقولي ان مزود الخدمة يرفض اتصال جهاز الPS5 الخاص فيك ورفض من اللاب توب.
كمان استفسار ثاني او ملاحظة هي ان البوكسية من شركة سلام مش اس تي سي مباشرة فهل هالشي له دخل او الموضوع بالكامل اعدادات من المودم؟